«Ժողովրդավարական հարթակ» հիմնադրամի տնօրեն Գարեգին Միսկարյանի ֆեյսբուքյան գրառումը․ «Հիշում եմ Սերժի տարիներին մեր կազմակերպության մեջ մի աշխատակցի, ով գնում և ընտրություններին ՀՀԿ էր ընտրում: Էնպես չի, որ որևէ նյութական շահ ուներ, կամ գաղափարներն էր կիսում: Ոչ էլ կառավարման որակից ու երկրի վիճակից էր գոհ: Հարցին, թե էդ դեպքում ինչու է մասնակցում ընտրություններին և ինչու է ընտրում Սերժին, ասում էր.
-Ընտրություններին մասնակցում եմ, որովհետև դա համարում եմ իմ քաղաքացիական պարտքը, իսկ Սերժին եմ ընտրում, որովհետև վստահ եմ, որ անկախ ամեն ինչից` ինքը հաղթելու է: Ինչու, էդ դեպքում, ընտրեմ նրան, ով չի հաղթելու ու հետո ինձ պարտված զգամ: Իմաստը...
Հիմա «Ֆեյսբուք»ի` ՔՊ-ից ավելի ՔՊ-ական կիսագաղափարական ակտիվից, եկել ինձ համոզում են, որ Նիկոլը ընտրելու է, ու նրան են աջակցելու, որովհետև այլընտրանք չկա: Մյուս կողմից էլ ինձ` որպես այլընտրանք հանդես եկողին խորհուրդ են տալիս իրենց նկատմամբ հանդուրժող լինել:
Ընկերներ, ձեզ նման «իրավագիտակից» ու «պատասխանատու» ընտրող Սերժի ժամանակ էլ ենք տեսել, Քոչարյանի ու Լևոնի ժամանակ էլ: Հեշտ է կոնֆորտ զոնայից «անաչառ» վերլուծություններ անել, չէ, որ ձեր փոխարեն Նիկոլը վերցնում է պատասխանատվությունն իր վրա: Ձեզ մնամ է միայն «հաղթել»:
Կա մեկ ճշմարտություն, ձեզ հետ երկխոսելը, ու բան բացատրելն անիմաստ նյարդեր քայքայելու անպտուղ գործ է: Ես գերադասում եմ շփվել էն մարդկանց հետո, ովքեր ելքեր են փնտրում, ոչ թե թվացյալ անհաղթի հետույքն են պահում, որ վերջում «հաղթող» դուրս գան: Պարզապես հիշեք, որ մինչև 2018-ն էլ Սերժն էր անպարտելի ձեզ նման մտածողների համար»: