«Պատմություն այն մասին, թե ինչպես պետք չէր վարվել»,- այսպես է վերնագրել ֆեյսբուքյան եթերը ՀՀ վարչապետ Նիկոլ Փաշինյանը: «Մի հին ծանոթ ունեմ, որին ճանաչում եմ որպես մատուցող, որովհետև դեռ ընդդիմադիր ժամանակներից Կենտրոնում գտնվող սրճարանում անընդհատ առնչվել եմ, ծանոթացել, մտերմացել: Վերջերս իմացա, որ առողջական խնդիրներ է ունեցել, ֆինանսական մեծ խնդիրների մեջ հայտնվել: Հետաքրքրվեցի՝ ինչո՞ւ չի օգտվել առողջության ապահովագրությունից: Իմացա, որ շահառու չէ, որովհետև աշխատավարձը 80 հազար դրամ է: Այսինքն՝ այդ ստվերի պատճառով մարդը հայտնվել է ֆինանսական ծանր դրության մեջ, մինչդեռ եթե նրա իրական աշխատավարձը ֆիքսված լիներ, կլիներ շահառու: Ուզում եմ դիմել Երևանի կենտրոնում և ընդհանրապես, աշխատող մատուցողներին, որ հասնեն նրան, որ իրենց եկամուտները հստակ ֆիքսվեն»,- իր խոսքում նշում է վարչապետը: