Բլոգեր, ակտիվիստ Արթուր Չախոյանը ֆեյսբուքյան էջում տեսանյութ է ներկայացրել՝ կից գրառմամբ․
«Դեռ Մերգելյան այգու բարեկարգման աշխատանքները չավարտված ավիՐյանը կարմիր ժապավեն է կտրել։
Տիգրան Ավինյանի կողմից Մերգելյան այգու բացման արարողությունը հերթական վառ օրինակն է այն կեղծարարության և անպատասխանատվության, որը բնորոշ է Նիկոլ Փաշինյանի իշխանությանը։
Ինչպե՞ս կարելի է հանդիսավորությամբ բացել մի այգի, որի բարեկարգման աշխատանքները դեռ ավարտված չեն։
Սա ոչ միայն հասարակության նկատմամբ անհարգալից վերաբերմունք է, այլև վկայում է կառավարման խորը ճգնաժամի մասին։
Ավելին, նույն իշխանության օրոք ականատես ենք լինում այնպիսի դեպքերի, ինչպիսիք են տարեց կնոջ աշխատասենյակի անմիջական տեղակայումը զուգարանում։ Սա խայտառակության և անամոթության մի մակարդակ է, որը վկայում է պետական կառավարման համակարգում տիրող բարոյական անկման մասին։
Հիշեցնեմ, որ Մերգելյան այգու բարեկարգման աշխատանքները մեկնարկել են դեռևս 2022 թվականին»։
