«Մեր հանրային դիսկուրսում էպիկ նախադասություն կա՝ ինչպե՞ս կարելի է վստահել Ադրբեջանին: Եվ սա հնչում էր առաջ, հնչելու է հետո։ Չի նկատվում, որ խնդիրը կաթիլ-կաթիլ ինչ-որ վստահություն կառուցելն է»,- երեկ Սյունիքում դեսպանահավաքի ժամանակ ասել է ՀՀ վարչապետ Նիկոլ Փաշինյանը:

«Ավելին ասեմ, եթե փոխադարձաբար Հայաստանը և Ադրբեջանն իրար վստահեին, որևէ թուղթ ստորագրելու անհրաժեշտություն պարզապես չէր լինի:

Դիվանագիտությունն անվստահության միջավայրում վստահության ինչ-որ հենման կետ կամ տեսական հնարավորություն ստեղծելն է»,- ասել է Նիկոլ Փաշինյան

***

Ադրբեջանի նախագահ Իլհամ Ալիևն ընդունել է Մեծ Բրիտանիայի և Հյուսիսային Իռլանդիայի պետական նախարար Սթիվեն Դաութիին, հայտնում է ԱՊԱ գործակալությունը։

Դաութին Ալիևին շնորհավորել է Վաշինգթոնում Ադրբեջանի և Հայաստանի միջև հարաբերությունների կարգավորման հարցում ձեռք բերված "պատմական արդյունքների կապակցությամբ" և հայտնել իր երկրի պատրաստակամությունը՝ աջակցելու այդ գործընթացին։

Ալիևն իր հերթին հայտարարել է, թե Ադրբեջանը կշարունակի ջանքերը՝ Հայաստանի հետ խաղաղության օրակարգը և հարաբերությունների կարգավորման գործընթացն առաջ մղելու համար, հայտնում է գործակալությունը։