Հայոց ցեղասպանության կազմակերպիչներից Ջեմալ փաշայի թոռը՝ թուրք մտավորական, լրագրող Հասան Ջեմալը, անդրադարձել է Թուրքիայի «մարդասեր պատմության» վերաբերյալ նախագահ Ռեջեփ Թայիփ Էրդողանի վերջին անհեթեթ հայտարարություններին։ Հասան Ջեմալի գրառումը տեղ է գտել թուրքական T24 կայքում: Նա անդրադարձլ է Էրդողանի այն հայտատարությանը, որ մայրանալ մերժող կինը թերի է.
«Այս օրերին Պալատի սուլթանը շատ է խոսում։ Հղիության արհեստական ընդհատման արգելքն է պաշտպանում, ասում է՝ առնվազն 3 երեխա, և ավելացնում է՝ «Աստված այդպես է կամենում: Այսօր բերանիցդ դուրս եկող ամեն բառ տոտալիտար մտածողությանդ համահունչ է։ Դու ես որոշում, թե քանի երեխա պետք է ունենանք։ «Աստված ամենաքիչը երեք երեխա է ուզում» ասողն էլ ես դու Կարողանում ես հայտարարել, որ ծնել չցանկացող կինը թերի կին է»։
Հասանն անդրադառնում է նաև Գերմանիայի Բունդեսթագի կողմից Հայոց ցեղասպանությունը ճանաչելու բանաձևից հետո Էրդողանի հայտարարությանը.
«Գերմանիայի խորհրդարանում ցեղասպանության որոշմանն «այո» ասած թուրք պատգամավորների համար «արյան թեստ» է պահանջում։ «Դա ի՞նչ թուրք է։ Արյան լաբորատոր քննություն է պետք է անցկացնել:Սա էլ է կարողանում ասել. «Մեր պատմությունը գթության պատմություն է, կարեկցանքի պատմություն։ Բա մի քանի տարի առաջ 1915 թվականի առումով ցավակցություն հղածն ո՞վ էր։ Քողարկված «ներողության» շուրջը պտտվողն ո՞վ էր»։
Նա Էրդողանին անվանում է բռնապետ, ում անհեթեթ մեկնաբանությունները անիմաստ են ու չեն ավարտվում.
«Հավանաբար, մենք աշխարհի անիծված ծառաներն ենք։Այնպիսի պատիժ ենք կրում, որ կարծես ամեն օր ստիպված ենք լսել Էրդողանի բռնապետական անհեթեթ մեկնաբանությունները: Չգիտես՝ որտեղից սկսել։ Ուղեղում չի տեղավորվում:Մեր պատմության մեջ ցեղասպանություն չկա՞Մի քիչ ազնի՛վ եղիր, ազնի՛վ: Մենք էլ ամեն Աստծո օր նստում, սուլթանի բռնապետական անհեթեթություններն ենք մեկնաբանում»։
