Փաստաբան Ռուբեն Մելիքյանի ֆեյսբուքյան գրառումը․ «Վաղը կիրակի է։ Օկուպացիոն ռեժիմն ակտիվորեն նախապատրաստում է աշխարհական Ստեփան Ասատրյանի անիրավ ձեռամբ հակականոնական ծեսի կատարումը Հովհաննավանքում։ «Ծեսը» առաջին հերթին լինելու է քաղաքական քայլ՝ ուղղված Հայ Առաքելական Սուրբ Եկեղեցու պառակտմանն ու ոչնչացմանը, սակայն զուտ հոգևոր առումով այն լինելու է մեծագույն մեղք և փորձություն։
Այս պայմաններում, որպես մեր Մայր Եկեղեցու զավակ, պարտքս եմ համարում անպայման մեր որևէ եկեղեցում մասնակցելու Սուրբ ու Անմահ Պատարագին, հաղորդվելու Փրկչական մեծագույն խորհրդին։ Հավանաբար, կայցելեմ Մայր Տաճար, որտեղ, հընթացս Պատարագի, կատարվելու է նաև մեր վեց եղբայրների քահանայական ձեռնադրության ու օծման սրբազան կարգ։
Մեր Մայր Եկեղեցու բոլոր զավակներին կոչ եմ անում որևէ եկեղեցում վաղն անպայման մասնակցել Սբ.Պատարագին ու անպայման հաղորդվել՝ խնդրելով ողորմություն Հովհաննավանքում տեղի ունենալիք Աստվածամերժ արարողության համար»։

***

Փաստաբան Վահան Հովհաննիսյանի ֆեյսբուքյան գրառումը․ «Ինչո՞ւ տեսանյութերը հրապարկվեցին այսօր: Պատասխանն ակնհայտ է՝ արդարացնելու վաղը Հովհաննավանքում տեղի ունեցող պղծությունը և միաժամանակ արժեզրկելու ՀԱՍԵ-ում տեղի ունեցող պատարագի արարողությունը:
Եթե մեզանից որևէ մեկը հրաժարվի եկեղեցիներից մեկում անմահ և սուրբ պատարագին մասնակցելուց, կնշանակի տեսանյութերն հասել են իրենց նպատակին, Ստեփան Ասատրյանը հասել է իր նպատակին, իշխանությունը հասել է իր նպատակին:
Վաղը պատարագի եմ մասնակցելու Մայր Աթոռ Սուրբ Էջմիածնում և թող երիցս խափանվի չարը»։

***

Նաիրի Հոխիկյանը գրում է․ «Տվեք ինձ ցանկացած երկու մարդու իրական դեմքով լուսանկար, տվեք նաև ինչ-որ վայրի լուսանկար կամ տեսանյութ, և արհեստական բանականության մասնագետների հետ կստեղծենք տեսանյութ, որտեղ լուսանկարում պատկերված մարդիկ կանեն այն, ինչ ձեր մտքով կանցնի։ Չեք էլ կարողանա տարբերել իրականը ոչ իրականից։
Ժամանակակից տեխնոլոգիաները տալիս են անսահման հնարավորություններ, բայց դրանք նաև կարող են չարիք դառնալ մարդկանց համար, երբ չար նպատակներով են օգտագործում։
Այսօր չարագործները հաճախ անբարո պատկերներով ԱԻ տեսանյութեր են սարքում անմեղ աղջիկների մասնակցությամբ, ապա դրանք ուղարկում այդ աղջիկներին և սպառնում տարածել, եթե նրանք չվճարեն։
Մեր օրերում այլևս ապացույց չեն տեսանյութերը։
Եթե կուզեք, տարածեմ Նիկոլ Փաշինյանի ու Ստեփան Ասատրյանի «գաղտնի հանդիպման» տեսանյութ։ Չեք տարբերի իրականից»։

Դիտեք նաև՝