«Այս հակամարտությունը ՀՀԿ-ին օգուտ  չի բերի, որովհետև ինչքան ես տեսնում եմ՝ անհատական դաշտ են տանում և տարօրինակ է, որչ մակարդակից են խոսում: Երեկ ուշադիր լսում էի Աշոտյանի ելույթը, որը «փայլում» էր մակարդակով: Այստեղ նրան հարց կարելի էր տալ: Այդ մակարդակից ելնելո՞վ են բոլոր չինովնիկները բիզնեսով զբաղվում ու միլիարդատեր դառնում, այդ ինչ լավ մակարդակ ունեն: Մակարդակից ելնելո՞վ է ՀՀԿ-ն մենաշնորհ պահում քաղաքական դաշտում ու ով դեմ է դուրս գալիս՝ թշնամի է: Մակարդակից ելնելո՞վ է ռոումինգը փողով, որ ծնողները զանգեն սահմանը պահող երեխաներին»,-այսօր՝ լրագրողների հետ հանդիպման ժամանակ խոսելով ՀՀԿ-ԲՀԿ հակամարտությունից՝ ասաց «Ժողովրդական» կուսակցության նախագահ Տիգրան Կարապետյանը: