«Արցախցիներն առ այս պահը որևէ մեկին չեն լիազորել հանդես գալ իրենց անունից կամ ներկայացնել իրենց շահերը այս կամ այն բնագավառում, հետևաբար որևէ մեկը բոլոր արցախցիների անունից իրավունք չունի հանդես գալ»,- ֆեյսբուքյան տեսաուղերձում ասել է փաստաբան Ռոման Երիցյանը:

Նա ընդգծել է, որ Լիաննա Պետրոսյանը այս կամ այն ասպարեզում իրեն ներկայացնում է որպես արցախցիների շահերը ներկայացնող անձ: «Բայց արդյո՞ք բնակչության մեծամասնությունը վերապահել է Լիաննա Պետրոսյանին լիազորություն՝ ներկայացնելու արցախցիների շահերը։ Կարծում եմ՝ ոչ, որովհետև վստահ եմ, որ արցախցիների մեծամասնությունը արժանապատիվ անձինք են և չեն կարող իրենց լիազորությունը վերապահել այնպիսի անձի, ով ակտիվորեն համագործակցում է ՀՀ իշխանությունների հետ․․․ Ո՞վ է այդ անձին վերապահել հանդես գալ իմ կամ այլ անձի անունից: Լիաննա՛ Պետրոսյան, կոնկրետ ես քեզ որևէ լիազորություն չեմ վերապահում՝ ներկայացնելու մեր շահերը ՀՀ իշխանությունների ներկայացուցիչների հետ հարաբերություններում: Որևէ լիազորություն, իմ անունից խոսելու հարցում, չեմ տալիս քեզ»,- ասել է նա: