Միջազգային ասպարեզում հայտնի հայ շախմատիստ Լևոն Արոնյանի կինը՝ Արիաննե Կաոիլին, հիմնել է «Ճամփորդ» հասարակական հիմնադրամը։ Հիմնադրամի կարգախոսն է` «Հասարակության կողմից՝ հասարակության համար»։
Վերջինս հիմնադրամի խորհրդի անդամների հետ ներկայացրեց, թե ինչով է զբաղվելու կառույցը։ Ինչպես նաև Արիաննեն հայտնեց, որ աշխատելու են դրսից Հայաստան հրավիրել մասնագետների՝ թրեյնինգների համար: Ինչպես նաև նշեց, որ լրագրողների համար վերապատրաստումներ են իրականացնելու, և որ մեծ է ցանկությունը խոսել կանանց ներգրավածության ու խնդիրների մասին:
«Մենք ունենք երկու խնդիր. քաղաքացիական ներգրավվածություն և կրթություն։ Ինչպես կարող է հասարակությունը մասնակցություն ունենալ երկրի համար կարևոր խնդիրների լուծման գործում, եթե չունի ճշգրիտ տեղեկատվություն։ Մենք պետք է ուշադրություն դարձնենք այդ խնդրին:
Հիմնադրամի տնօրենն է հաղորդավար Գոհար Հայրապետյանը, խորհրդի անդամներն են թարգմանիչ Արտաշես Էմինը, լրագրող-մեկնաբան Արտյոմ Երկանյանը, Արցախի ՄԻՊ Ռուբեն Մելիքյանը, Սլավոնական համալսարանի ռեկտոր Արմեն Դարբինյանը։
