«Մեդիահաբ»-ի թղթակցի հարցին՝ աստվածահավա՞տ եք դարձել, ԴՕԿ կուսակցության նախագահ Վարդան Ղուկասյանն արձագանքեց․ «Ես աստվածահավատ չեմ, բայց հավատում եմ, որ տիեզերքում կա մի ուժ, որը կառավարում է ամեն ինչ երկիր մոլորակի վրա, ինձ համար դա կոչվում է անհայտ ուժ, ես չեմ ուզում ասել ո՛չ Հիսուս Քրիստոս, ո՛չ Բուդդա, ո՛չ Նեռ․․․ Ինչ-որ մի ուժ կա, իմ անցած ճանապահն էլ է դրա մասին ապացուցում։ Վարդան Ղուկասյանը կերտվեց, մշակվեց, տանջվեց, որ հետո դառնա անկառավարելի գել ու գազան ու ընկնի իր թշնամիների հետևից։ Կյանքն ինձ սարքեց գիշատիչ, անտառային սանիտար՝ գայլի դեմքով, ու գցեց Հայաստանի ջանը։ Վերևից է այդ ուժը փոխանցվում ինձ»։