Այսօր առավոտյան լրատվամիջոցները ֆիքսել էին, որ Կառավարության շենքի վրա տեղադրված ՀՀ դրոշը հանված է։ Վարչապետի աշխատակազմի տեղեկատվության և հասարակայնության հետ կապերի վարչություն պետ Արմեն Խաչատրյանը «Ֆակտոր»-ի հետ զրույցում պարզաբանել է, որ սովորական տեխնիկական ընթացիկ աշխատանք է, դրոշը հանվել է փոխարինվելու նպատակով։
Հարցին՝ արդյո՞ք հնարավոր չէ այդ ընթացքում այլ դրոշ տեղադրել, Խաչատրյանն արձագանքել է․ «Այդպես էլ արվում է, Ձեզ ի՞նչ է թվում՝ դա հինգ րոպեի աշխատա՞նք է։ Դուք տեսե՞լ եք ձողի բարձրությունը, կարվում է այդ դրոշը, որպեսզի չընկնի»։
ՀՀ դրոշն արդեն իսկ տեղադրվել է Կառավարության շենքի վրա:
