Ինֆորմացիան և տեսանյութերն այս հղումով թարմացվում են․ Հետևեք նաև Asekose.am-ի տելեգրամյան ալիքին։
***
***
8 անձ, ներառյալ քաղաքապետ Ղուկասյանը, ձերբակալվել են Գյումրի համայնքի մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով, հայտնում է Հակակոռուպցիոն կոմիտեն։
Հակակոռուպցիոն կոմիտեի հաղորդագրությունում նշված է․ «Ձեռնարկված միջոցառումների արդյունքում, մասնավորապես, պարզվել է, որ Գյումրի համայնքի ղեկավարը և գլխավոր ճարտարապետը, տեղեկանալով այն մասին, որ քաղաքացու կողմից Գյումրի համայնքի Գարեգին Նժդեհ փողոցի 1/9 հասցեում կառուցվել է շուրջ 1500 մ2 մակերեսով ինքնակամ շինություն, որը ենթակա է եղել քանդման, եկել են նախնական համաձայնության՝ քաղաքացու հետ մտնել «կոռուպցիոն» գործարքի մեջ՝ խոստանալով կառուցված ինքնակամ շինության քանդման ուղղությամբ միջոցներ չձեռնարկել, ավելին՝ կազմել շինությունն իբրև քանդված և նոր կառուցված լինելու վերաբերյալ պաշտոնական կեղծ փաստաթղթեր, օրինականացնել այն՝ դրա դիմաց պահանջելով խոշոր չափերով՝ չորս միլիոն ՀՀ դրամ գումարի կաշառք»։
***
Ժողովրդավարության ճգնաժամը հենց այս տեսքն ունի. Արամ Վարդևանյանը` Գյումրիում կատարվողի մասին
«Մի քանի շաբաթ առաջ Ազգային ժողովի ամբիոնից քաղաքական խոստում տրվեց, որ հետապնդում է իրականացվելու Գյումրու օրինական ուժի մեջ մտած ընտրությունների արդյունքներով՝ ընտրված համայնքի ղեկավարի դեմ»,–գրել է փաստաբանը:
Նշել է, եթե որևէ մեկը գիտի եվրոպական այլ երկիր քաղաքական գործընթացների և քրեաիրավական ներուժի նման սերտաճման փորձի վերաբերյալ, խնդրում եմ հայտնել:
***
Գյումրու քաղաքապետ Վարդան Ղուկասյանի ֆեյսբուքյան էջում հրապարակվել է նրա կոչը՝ ուղղված գյումրեցիներին․ «Գյումրիի հպարտ ու արդար ժողովուրդ, ժամանակն է կանգնելու մեր քաղաքի և մեր արժանապատվության կողքին։ Այս պահին քաղաքապետարանում ընթանում են գործողություններ, որոնք ուղղված են քաղաքապետին հեռացնելու։ Բայց պետք է հասկանանք՝ սա միայն մեկ մարդու մասին չէ․ սա վերաբերում է ողջ քաղաքի անկախությանը։
Պետությունը չպետք է խախտի Գյումրիի ինքնուրույնությունը։ Մենք՝ գյումրեցիներս, պարտավոր ենք պահպանել մեր քաղաքապետին ընտրելու և պաշտպանելու իրավունքը։
Միացե՛ք, խոսե՛ք, մի՛ լռեք։ Գյումրին ուժեղ է իր ժողովրդի շնորհիվ»։
***
Գյումրիի քաղաքապետ Վարդան Ղուկասյանը չի ձերբակալվել, իր առանձնասենյակում մեկուսացված է,-հայտնել է Ղուկասյանի խոսնակ Լիլիթ Աղեկյանը։
«Այս պահին իրավապահները համայնքապետարանի շենքում են, Ղուկասյանն իր աշխատասենյակում նստած է, շտապօգնության մեքենա գնաց այնտեղ, աշխատակիցներից մեկն է վատացել։ Այստեղ են նաև ԱԺ պատգամավորներ, որոնց արգելում են մուտք գործել համայնքապետարան»,–ասաց նա։
Գյումրիի համայնքապետարանի շենքի մոտ է նաև այն ավտոբուսը, որով, սովորաբար, տանում են ձերբակալվածներին։
Դիտեք նաև՝
***
***
|
ԱԱԾ հատուկջոկատայինները դեռևս Գյումրու քաղաքապետարանում են։ Ըստ լուրերի՝ քաղաքապետ Վարդան Ղուկասյանը ձերբակալվել է՝ Հակակոռուպցիոն կոմիտեում քննվող գործի շրջանակներում, սակայն նա դեռ շենքում է։ Լարված իրավիճակ է թե՛ քաղաքապետարանի ներսում, թե՛ շենքի դիմաց։ Դրսում մեծ թվով ոստիկաններ են։ |
