Հասարակակա-քաղաքական գործիչ Միքայել Նահապետյանի ֆեյսբուքյան գրառումը․ «Իսկ դուք գիտե՞ք, որ «Խաղաղության համաձայնագիր» կոչվող տեքստում կա մի հոդված, որով կողմերը պարտավորվում են դատապարտել ազգամիջյան թշնամանք, խտրականություն, միմյանց տարածքային ամբողջականության և ինքնիշխանության դեմ ուղղված գոծողություններ, սեպարատիզմ և տեռորիզմ պարունակող կամ դրանք արդարացնող գործողությունները և հայտարարությունները։
Այս դրույթի իրագործման համար Հայաստանում իրականացվելու են տոտալ գրաքննություն, մասսայական բանտարկություններ և կազմակերպությունների փակում։ Որովհետև այս հոդվածը նշանակում է, որ բոլոր նրանք ովքեր կխոսեն
• Որ կար Արցախի Հանրապետություն և այն պիտի շարունակեր լինել
• Որ արցախցիները ունեն ինքնորոշման իրավունք
• Որ Ադրբեջանի սանձազերծած պատերազմը ագրեսիա էր
• Որ Արևմտյան Ադրբեջանի մասին լոզունգներով Հայաստան գալ ցանկացող ադրբեջանցիները վտանգ են մեր պետականության համար
• Որ Արցախի ղեկավարները քաղբանտարկյալ են ոչ թե հանցագործ
• Որ ՊԲ-ն ինքնապաշտպանական ուժ էր ոչ թե տեռորիստական խմբավորում
• Որ պատերազմը արդար պայքար էր իրավունքների համար ոչ թե հանցավոր ագրեսիա
Ահա այս բոլոր պնդումները քրեականացվելու են ու գրաքննվելու, նման գաղափարներ ունեցող կառույցները արգելվելու են և Նիկոլը դա հիմնավորելու է «թեչէ պատերազմ կլինի» թեզով։
Գուցե դուք կասեք «բայց էդ նույն հոդվածով Արևմտյան Ադրբեջան գաղափարն էլ պիտի արգելվի», իսկ ես կասեմ թեչէ ի՞նչ, Նիկոլը Ադրբեջանին պատերազմով կսպառնա, Ալիևն էլ կգնա ԱզՏՎ-ով կարմիր ցլերի մասին էշություններ կպատմի՞։
Ադրբեջանը Նիկոլի հետ ապամոնտաժում է Հայաստանը` գրագետ ու հաշվարկված, ինքնիշխանության ու խաղաղության սոուսով։ Իսկ մինչ այդ խաղաղության ու ժողովրդավարության ձգտող ժողովուրդը ստանալու է նվաստացում, սպառնալիքներ և դիկտատուրա»։