Դիտեք նաև տեսանյութ՝ Asekose.am-ի տելեգրամյան ալիքում․ Գցելու եմ Դոգի ջեբը Անդո', լսա՞ր․․․
Անհետ կորած զինվորների ծնողները փակել են Բաղրամյան պողոտան՝ պահանջելով հանդիպում ԱԺ անվտանգության և պաշտպանության հարցերով հանձնաժողովի նախագահ Անդրանիկ Քոչարյանի հետ։ Անհետ կորած զինծառայողի հարազատ Արսեն Ղուկասյանը նշեց, որ շուտվանից են հանդիպում ցանկացել Անդրանիկ Քոչարյանի հետ, բայց նա չի հանդիպել: «Ինքը ասել է, որ 44-օրյա պատերազմի քննիչ հանձնաժողովը ավարտել է իր գործը: Մենք էլ այդ հարցի շուրջ առաջին պահանջատերն ենք, տուժողների իրավահաջորդն ենք, օրինական իրավունք ունենք չէ՞ գանք, հարցնենք, տեսնենք ինչ ես պարզել պարոն Քոչարյան: Մեզ պետք է պատասխան տա: Շատ մարդ կար, ար այդ քննիչ հանձնաժողովում պետք է գար հարցաքննվեր, բա խի՞ չեն եկել: Այսօր Անդրանիկ Քոչարյանի օգնականը ասել է, որ 4 հոգի կարող են բարձրանալ: Մենք էլ ասել ենք, որ մենք շատ ենք, բոլորով պիտի գանք: Բայց ասել են չեն կարող բոլորին ընդունել: Թող ինքը իջնի մեզ հետ խոսի: Մենք եկել են մեր հարցերը տանք ու մեր պատասխանները լսենք: Փակել ենք փողոցը, որ ականջալուր անեն այդ անձնավորությանը, որ ընդունի մեզ»,- ասաց Արսեն Ղուկասյանը:
Դիտեք նաև՝
|
44-օրյա պատերազմում անհետ կորած զինծառայողների հարազատներից մեկը նշեց, որ իրենց հարցի միակ հասցեատերը Անդրանիկ քոչարյանն է: «Քննիչ հանձնաժողովի նախագահը՝ Անդրանիկ քոչարյանը, ով պարտավոր է հաշվետու լինել առաջնահերթ ծնողներին, այս պահին ինքը թքած ունի ծնողների, ծնողների հարցերի վրա: Իր վերաբերմունքը այս պահին այդ է ցույց տալիս: Մեր երկրի բարձրագույն իշխանության վերաբերմունքը սա է՝ թե՛ ընդդիմության, թե՛ իշխանության: Իրենք բոլոր արժեքները ոչնչացրեցին մեր մեջ: Ապազգային իշխանություններ են»,-ասաց անհետ կորածի հարազատը: Հիշեցնենք, որ 44-օրյա պատերազմում անհետ կորած զինծառայողների հարազատները փակել են Բաղրամյան պողոտան՝ պահանջելով հանդիպել ԱԺ անվտանգության և պաշտպանության հարցերով հանձնաժողովի նախագահ Անդրանիկ քոչարյանի հետ: ԱԺ շենքից լրագրողներին տեղեկացրել են, որ Քոչարյանը գնացել է ուժային կառույցների ղեկավարների հետ հանդիպման: Անհետ կորածների հարազատները պնդում են, որ երբ նրանք եկել են, Քոչարյանը եղել է շենքում: *** Ազգային ժողովի նախագահ Ալեն Սիմոնյանը հանդիպել է անհետ կորածների հարազատների հետ և առաջարկել հանդիպումը շարունակել ԱԺ շենքի ներսում։ Անհետ կորածների հարազատները մտել են խորհրդարան: Բաղրամյան պողոտայում երթևեկությունը վերականգնվել է։ Անհետ կորած զինծառայողների ծնողները դեկտեմբերի 27-ին փակել էին Բաղրամյան պողոտան՝ պահանջելով հանդիպում 44-օրյա պատերազմի հանգամանքներն ուսումնասիրող քննիչ հանձնաժողովի ղեկավար Անդրանիկ Քոչարյանի հետ։ |
