Լրագրող Արամ Սարգսյանի ֆեյսբուքյան գրառումը․ «Փաշինյանն ու իր կողմնակիցները երկար տարիներ մեղադրում են Ռոբերտ Քոչարյանին «Մեղրին հանձնելու» համար՝ հիմք ընդունելով այն փաստը, որ Քոչարյանը, ի թիվս շատ ու շատ այլ առաջարկների, բանակցությունների ընթացքում քննարկել է Մեղրին Լաչինի հետ փոխանակելու ամերիկյան առաջարկը, որը պատմությանը հայտնի է «Գոբլի պլան» անունով, բայց, ի վերջո, «սիրուն ձևով» ցրել է այս բացահայտ հակահայկական ծրագիրն ու պահը օգտագործել՝ ամերիկյան միջնորդությունը Քի Վեսթում ավելի նպաստավոր առաջարկի վերածելու (Քի Վեսթի նախագծով Լաչինի միջանցքը ԼՂԻՄ-ի տարածքով միացվում էր ՀՀ տարածքին, իսկ Ադրբեջանի ու Նախիջևանի կապի հարցը պիտի լուծվեր վերգետնյա ճանապարհ` էստակադա կառուցելու տարբերակով)։
Հիմա Թուրքիայում ԱՄՆ դեսպանի հայտարարությունից հայտնի է դառնում, որ Նիկոլ Փաշինյանն է քննարկում Սյունիքից մի հատված ամերիկացիներին «վարձով տալու» կրկին ամերիկյան առաջարկը՝ ՀՀ ինքնիշխան տարածքը երկու մասի բաժանելու ու դեպի Իրան կյանքի ճանապարհը փակելու հեռանկարով։ Սրանից բխող առնվազն երկու հարց.
1. Ի՞նչ կապ կա (1992-1999 թթ.) Գոբլի պլանի ու ամերիկյան ներկա առաջարկի միջև։
2. Բա Փաշինյանի՞ն ինչի մեջ կարելի է մեղադրել Սյունիքը վարձով տալու առաջարկը առնվազն քննարկելու համար»։