Ռուսաստանի ըմբշամարտի միության նախագահ, ըմբշամարտի միջազգային ֆեդերացիայի մրցավարական կոմիտեի նախագահ Միխայիլ Մամիաշվիլին Rusarminfo-ին տված հարցազրույցի ժամանակ մեկնաբանել է իրեն  և Միհրան Հարությունյանին վերաբերող խոսակցությունը, ըստ որի` ինքն անձամբ է խոչընդոտում Միհրանի գործունեությանը, քանի որ վերջինս նախկինում ներկայացնում էր Ռուսաստանը:

Նա մասնավորապես ասել է. «Ես շատ տարբեր հիմարություններ եմ լսում: Համարենք, որ այդ հրապարակումը դրանցից մեկն է: Ես ուզում եմ ի սրտե շնորհավորել Միհրան Հարությունյանին արծաթե մեդալ նվաճելու կապացությամբ, իսկ ինչ վերաբերում է այն խոսակցություններին, թե իբր ես եմ խոչընդոտել Միհրանի գործունեությանը, ապա ասեմ, որ  եթե դա այդպես լիներ, նա չէր մասնակցի Օլիմպաիական խաղերին և չէր հայտնվի եզրափակչում: Այդ լուրերը հիմարություններ են: Ես ուրախ եմ իմ եղբայրների համար: Մենք Լևոն Ջուլֆալակյանի հետ հաղթել ենք 1988 թ.-ին, որտեղի՞ց մենք կարող ենք նման վատ հարաբերություններ ունենալ»:

Անդրադառնալով այն փաստին, որ Միհրանի հանդեպ անարդարություն է տեղի ունեցել, Մամիաշվիլին նշել է. «Այո, նախապատվությունը եղել է սերբ մարզիկի նկատմամբ, իսկ ի՞նչ էիք ուզում: Եթե միավորը տային հայ մարզիկին, սերբերը, ձեռքերը վեր պարզած, արդարություն կպահանջեին»:

Կարդացեք նաև` Քանի ես կամ, դու չես հաղթելու. մաֆիան՝ ընդդեմ Միհրան Հարությունյանի