Հռոմի պապ Ֆրանցիսկոսի առողջական վիճակը շարունակում է մնալ կրիտիկական։ Այսօր առավոտյան Ֆրանցիսկոս պապի մոտ երկարատև ասթմատիկ շնչառական ճգնաժամ է առաջացել, որի հետևանքով բարձր հոսքով թթվածնային թերապիայի անհրաժեշտություն է առաջացել։ Ինչպես հաղորդում է ՏԱՍՍ-ը, այս մասին հայտնել է Վատիկանի Սուրբ Աթոռի մամուլի ծառայությունը։

Նաև նշվում է, որ այսօրվա արյան անալիզների արդյունքում հայտնաբերվել է թրոմբոցիտոպենիա՝ կապված սակավարյունության հետ, որի համար անհրաժեշտ է եղել արյան փոխներարկում։