ԱԺ «Քաղաքացիական պայմանագիր» խմբակության պատգամավոր Անդրանիկ Քոչարյանը լրագրողների հետ ճեպազրույցում անդրադառնալով սահմանային իրավիճակին՝ մասնավորապես բնակավայրերի ուղղությամբ կրակոցներին, ասել է. «Ապակի է կոտրվել, այո՛, ապակիները կվերանոգորենք ու ամեն ինչ կանենք, որ նման կրակոցներն ունենան գնահատվելու հնարավորություն՝ նույնիսկ եվրոդիտորդների մակարդակով, և հասնենք նրան, որ կրակոցներ չլինեն: Հիմա կրակոցներն անկանոն, անիմաստ ու աննպատակ են»: Հարցին՝ ինչո՞վ է լարվածությունը բացատրվում, նշել է. «Հիստերիկ դրսևորումներով: Երևի մյուս կողմում կանգնածներն էդ օրը որոշել են անկանոն կրակ ուղղել մեր բնակավայրերի ուղղությամբ: Ոչ մի բանի հետ կապ չունի»: