ՀՀԿ-ն էլ ԲՀԿ-ն էլ գնալով դրսևորում են ֆեոդալական արքունական ուժերին բնորոշող վարք, որն ի թիվս այլ դրսևորումների, արտահայտվում է նաև նրանով, որ այս կուսակցություններում գնալով ավելի ակներև է դառնում սերնդափոխության ժառանգական սկզբունքի վրա, երբ ավելի հին գործիչները ասպարեզ են մտցնում իրենց արյունակից բարեկամներին և զավակներին։ Դա հատկապես ցայտուն է երևում ավագանու ընտրությունների համար կազմված կուսակցական ցուցակներով, որոնց մեջ մենք տեսնում ենք, որ օրինակ ԲՀԿ-ի ցուցակում է հայտնվել Ռոբերտ Քոչարյանի եղբոր դուստրը, իսկ ՀՀԿ-ի ցուցակում՝ Թոխախի Մհերի փեսա Խուճուճ Էդոյի ՝ Էդուարդ Մադաթյանի որդին՝ Արման Մադաթյանը։

Թվում է թե ի՞նչ է եղել որ, առաձին դրվագներ են, բայց եթե այսս դինամիկան պահպանվի և սրան հավելենք նաև խնամիական կապերի արդյունքում ի հայտ եկող քաղաքական գործիչներին, ապա մոտակա տասնամյակում մենակ արդեն կունենանք կայացած «իշխանական» տոհմեր՝ 10-րդ դարի նմուշով, այն տարբերությամբ, որ Բագրատունիներին, Արծրունիներին, Պահլավունիներին, փոխարինելու կգան գեներալմանվելունիները, թոխմախիհերունիները, լֆիկունիները և այլն...

Մի խոսքով, մեզ մոտ քաղաքական համակարգն ու պետական կառուցվածքը հետադարձ էվոլյուցիա է ապրում ու այս տեմպերով քարանձավային-տոհմատիրական հասարակարգերի վերադարձն էլ սարերի հետևում չեն։

Վահան Ղուկասյանի գրառումը

Ֆեյսբուք