Գագիկ Ծառուկյանը Երեւանի ավագանու իրենց քարոզարշավի մեկնարկին հայտարարել էր, որ եթե ինչ-որ մեկը փորձի նեղացնել կամ վիրավորել ԲՀԿ-ականի, ապա դիտարկելու է իր դեմ ուղղված վիրավորանք եւ վիրավորողը իր հետ է գործ ունենալու:
ՀՀԿ-ն որեւէ մեկն չի նեղացրել ու չի պատրաստվում նեղացնել: Արձագանքելով ԲՀԿ առաջնորդ Գագիկ Ծառուկյանի հայտարարությանը, նշել է ԱԺ փոխնախագահ, ՀՀԿ պատգամավոր Հերմինե Նաղդալյանն ու ավելացրել է. «Այդ մտքերն էլ մեզ չենք վերագրում եւ կարիք էլ չենք գտնում դրանց պատասխանալու: Ով որ նման վարքագիծ է դրսեւորելու, ով ում վերագրում է այդ մտքերն իրեն, թող նա այդ իմաստով որոշակի պատասխան պատրաստի»:
Ինչ վերաբերում է ՀՀԿ-ԲՀԿ երիտասարդական թեւերի միջեւ հեռակա բանավեճին, ապա տիկին Նաղդալյանը երկու կողմին էլ ըմբռնումով է մոտենում, կարծում է, որ երկուսն էլ ուղղակի փորձում են իրենց ղեկավարների շահերը պաշտպանե, ու նաև վստահեցնում է, որ իր կուսակից երիտասարդ գործիչները երբեք նախահարձակ չեն լինում. «Կարիքը չունեն ՀՀԿ-ականները, քանի որ մենք ներկայանում ենք մեր արած աշխատանքով: նախահարձակ լինելով, վիրավորանքներ կամ վիրավորական տոն օգտագործում են որպես կանոն այն մարդիկ, որոնք կռվաններ չունեն»։
