Հոկտեմբերի 26-ին՝ ժամը 03:30-ի սահմաններում, միջադեպ է տեղի ունեցել խաղատներից մեկում։
Վիճաբանությունն առաջացել է խաղատան աշխատակիցների և Նվեր Ծառուկյանի ու նրա թիկնապահների միջև, որը վերածվել է ծեծկռտուքի, հնչել են կրակոցներ։
«Քննչական կոմիտեից էլ հայտնել էին, որ խաղատանը տեղի ունեցած միջադեպի առթիվ նախաձեռնվել է քրեական վարույթ, 5 անձի նկատմամբ հարուցվել է քրեական հետապնդում, նրանց նկատմամբ որպես խափանման միջոց ընտրվել է կալանքը, հայտարարվել է հետախուզում։
Iravaban.net–ից կապ են հաստատել փաստաբան Էմին Խաչատրյանի հետ, ում դիտարկմամբ Ծառուկյանի որդուն առաջադրված մեղադրանքը անհիմն է․ «Կենցաղային բնույթի ինչ-որ խնդիր է եղել, ու այդ մեղադրանքը, իմ կարծիքով, իրավական ոչ ճիշտ գնահատականի արդյունք է։
Նվեր Ծառուկյանը այս պահին գործուղման մեջ է, ես արդեն առիթ ունեցել եմ տեղեկացնելու թե՛ վարույթն իրականացնող մարմնին, թե՛ լրատվամիջոցներին:
Քանի որ նա հանդիսանում է «Մուլտի Գրուպ» կոնցեռնի մոտ 30 տոկոսի բաժնետեր, այդ կապակցությամբ որոշակի գործեր կան, որոնց հետ կապված գործուղման մեջ է գտնվում»։
Փաստաբանը նշել է, որ վերադառնալու դեպքում դիմումով կտեղեկացնեն վարույթն իրականացնող մարմնին, կհնչեցնեն հետաքրքրող բոլոր հարցերի պատասխանները։
Տեղեկացանք, որ Նվեր Ծառուկյանը գործուղվել է Բելառուս»,–գրում է լրատվամիջոցը։
Հիշեցնենք, որ ավելի վաղ գրել էինք․ «Ծեծկռտուք և կրակոցներ՝ «Կոսմոս» խաղատանը․ կիզակետում Նվեր Ծառուկյանը, թիկնապահներն ու դերասանուհի Շուշան Երիցյանն են»։
Դիտեք նաև՝
