«Հայ–թուրքական սահմանից ռուս սահմանապահների դուրսբերման հարցով որոշում չունենք»,- ԱԺ-ում լրագրողների հետ զրույցում հայտնեց ԱԱԾ տնօրեն Արմեն Աբազյանը։
Նա նշեց, որ հայ սահմանապահները ծառայություն են իրականացնում «Զվարթնոց» օդանավակայանում և հայ–իրանական անցակետում։
***
|
ԱԱԾ տնօրեն Արմեն Աբազյանը ԱԺ-ում լրագրողների հետ զրույցում հայտնեց, որ փոտրվարի 7-ին սահմանին տեղի է ունեցել գերիների, պատանդների և անհետ կորած անձանց հարցերով զբաղվող միջգերատեսչական հանձնաժողովների հանդիպում․ «Քննարկում տեղի է ունեցել, պայմանավորվածություն է ձեռք բերվել, որ նշված աշխատանքները կշարունակվեն։ Ես հանդիպում եմ ունեցել ծնողների հետ, նրանք տեղեկացվել են այդ հանդիպման արդյունքների վերաբերյալ»,- ասաց Աբազյանը՝ նշելով, թե այլ մանրամասներ չի կարող հայտնել, քանի որ դրանք որոշակի գաղտնիություն են պարունակում։ «Հիմա ամեն ինչ արվում է, որ հաջորդ հանդիպումը տեղի ունենա և դրա արդյունքում մեր անհետ կորածների և գերեվարվածների ծնողներն իրենց հուզող բոլոր հարցերի պատասխանները ստանան»,- հավելեց ԱԱԾ տնօրենը։ Հարցին՝ արդյո՞ք բանակցությունները շոշափելի արդյունքներ են տվել գերիների, անհետ կորածների հարցերի շուրջ, Աբազյանը պատասխանեց, որ չի ցանկանում շտապել և տրամադրություն արձանագրել, բայց ամեն բան արվելու է, որ հաջողություն ունենանք․ «Շոշափելի արդյունքներ, այս պահին․․․ չեմ ցանկանում բարձրաձայնել։ Հիմա դուք ցանկանում եք կոնկրետ պատասխան ստանալ, բայց դա կարող է ձեզ չգոհացնել, որովհետև ոչ թե ընդհանրապես հաջողություններ չունենք, այլ՝ կոնկրետ այս պահին չունենք»։ |
