ԱՄՆ-ում գտնվող Թուրքիայի նախագահ Աբդուլլահ Գյուլը «Հարվարդ»-ի համալսարանում ելույթ է ունեցել, որի ընթացքում անդրադարձել է նաև Հայաստանի հետ հարաբերությունների թեմային: Տեղեկացնում է թուրքական «Սոնդաքիքա» լրատվական կայքը: 
 
Գլուլը, հիշեցնելով, որ վարչապետ Ռեջեփ Թայիփ Էրդողանը 1915ին զոհված հայերի թոռներին ցավակցական ուղերձ է հղել, նշել է,  որ նախորդ դարասկզբին «Անատոլիայում շատ ցավալի իրադարձություններ են տեղի ունեցել»: 

Այնուհետև Գյուլն ավելացրել է, որ Թուրքիան հետազոտողների առաջ բացել է իր բոլոր արխիվները և խնդրի լուծման համար անհրաժեշտ է ուժեղ կամք և երկխոսություն:

«Մենք անկեղծորեն ենք վերաբերվում Հայաստանին: Ես Հայաստան այցելած առաջին թուրք նախագահն եմ: Հայաստանի հետ հարաբերությունների կարգավորման հարցում դեռ հույս կա»,- ասել է Գյուլը:

Աղբյուրը՝  Ermenihaber.am