Օրերս ռուսաստանաբնակ հայ շոումեն Միխայիլ Գալուստյանը իր հարցազրույցներից մեկի ժամանակ անդրադարձել էր տարածվող խոսակցություններին, թե Հայաստանի քաղաքացիություն ստանալուց հետո որոշել է լքել ՌԴ-ն և Հայաստան տեղափոխվել։ Գալուստյանը հերքել էր խոսակցությունները, իր խոսքում, մասնավորապես, նշելով.
«Եթե ես ցանկանայի նահանջի ճանապարհ պատրաստել, հավանաբար, դեպի Հայաստան չէի նահանջի։ Ես կարծում եմ, որ Հայաստանն այնպիսի երկիր է, որը կախված է Ռուսաստանից և շատ տարօրինակ է ընտրել Հայաստանը՝ որպես նահանջի ճանապարհ։ Մտածում եմ ռուսերեն, խոսում եմ ռուսերեն, բայց ինձ հայ եմ զգում, քանի որ իմ երակներում հայկական արյուն է հոսում։ Շատ հայեր կցանկանան Հայաստանի քաղաքացիություն ստանալ»,- նշել էր Գալուստյանը։
