Կալիֆորնիայում բնակվող բժիշկ Տիգրան Սվաջյանը սարքել է սեփական մահն ու 10 տարի թաքնվել արդարադատությունից: Այս մասին հայտնում է «Daily Mail»-ը: Հայ բժշկին մեղադրում են միլիոնավոր դոլարներ յուրացնելու մեջ:

2002թ. իրավապահները նրան ապացույցներ էին ներկայացրել և Սվաջյանը համաձայնել էր հանձնվել իրավապահ մարմիններին, բայց հայտարարե էր, թե պետք է մեկնի Ռուսաստան՝ հիվանդ մորը տեսության։ Հոկտեմբերի վերջին իրավապահներին հայտի էր դարձել, թե Սվաջյանը Ռուսաստանում մահացել է թոքաբորբից։ 10 տարի անց Սվաջյանի դեմ մեղադրանքները հանվել էին:

Պարզվում է, որ Ռուսաստանում Սվաջյանը 200 դոլար է վճարել դիահերձարանին՝ մահվան տեղեկանք ստանալու համար։ Սվաջյանը մեկ այլ անունով անունով անձնագիր էր սարքել և տեղափոխվել Եգիպտոս: Եգիպտոսում նա նույնիսկ ամուսնացել էր ռուս աղջկա հետ և երեխա ունեցել։ Կնոջ հետ վերադառնալով Ռուսաստան` նա նոր խնդրի առջեւ էր կանգնել, քանի որ  ռուսական կեղծ անձնագիրը առգրավել էին։ Այս անգամ էլ նա լիտվական անձնագիր էր գնել:

Նրան ձերբակալել էին Կիևում, որտեղ ոստիկանները պարզել էին կեղծիքը:  Սվաջյանին արտաքսել են Միացյալ Նահանգներ, եւ այժմ նա սպասում է  դատաքննության Լոս Անջելեսի բանտում։