Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը ֆեյսբուքի իր էջում հայտնել է, որ Meta-ի պաշտոնական վիճակագրությամբ վերջին 28 օրում Facebook-ի և Instagram-ի սոցցանցի իր էջերում գրանցվել է ավելի քան 100 միլիոն դիտում, գրառելով․
«Meta-ի պաշտոնական վիճակագրությամբ վերջին 28 օրում Facebook-ի և Instagram-ի իմ էջերում գրանցվել է ավելի քան 100 միլիոն դիտում։ Հանրային հաղորդակցության այս ծավալն ինձ համար աննախադեպ է, մտածելու ու վերլուծելու հարուստ նյութ է տալիս»։ Ադրբեջանի զինուժը Հայաստանի տարածքները գրավել, այնտեղ ամրացել է, Բաքվում տանջում, դատում են մեր գերիներին, Հայաստանի տնտեսական վիճակը վատ է, հարկերն ու տուրքերը բարձրացրել են, իսկ թագավորի չափ լիազորություններ ունեցող, Հայաստանը միանձնյա կառավարող Նիկոլ Փաշինյանն իրեն թունդ բլոգեր է դարձել, սոցցանցերում իր դիտումներն է հաշվում։ Հաշվիր նաև, թե այդ դիտողներից քանիսն է քեզ հայհոյում»։