|
«Երբ որ արժեքների փոփոխության մասին ենք խոսում, պետք է հասկանալ` ինչը ինչով ենք փոխարինում: Մի կողմից հանձնվում է հայրենիք` Արցախ աշխարհն ամբողջությամբ, Տավուշի, Սյունիքի, Գեղարքունիքի տարածքները, մյուս կողմից ասում են` ասֆալտ ենք անում: Հանձնում են կոմնունիկացիաները, ամեն ինչը, մյուս կողմից ասում` ջուր ենք քաշում: Ի՞նչ էին անում մեր հայրենիքի այդ սրբազան հատվածները, որ վերցրեցիք, հանձնեցիք: Արցախը հանձնել եք: Արցախը պատերազմով պարտվելիք չէր: Եվ ես վստահաբար եմ ասում` բոլոր այն ստահակներին, որ ասում էին` մենք չէինք կարող ոչ մի բան անել: Այդ թեմայով կխոսենք դեռ: Արցախը հանձնվել է` պատերազմով, վերջում էլ վախեցնելով, սարսափ տարածելով: Համակարգիչների դիմաց նստած` հանձնել է Արցախը նեռը` իր որդիներով: Ոչ միայն Արցախը, այլև Տավուշը` իի շրջաններով և մնացած բոլոր հատվածները: Սա որպես փաստ արձանագրենք: Եթե մի ժամանակ ասում էինք, որ ապիկար են, տաղանդավոր ապիկար են, որ այդ պատերազմը պարտվեցին, հիմա վստահաբար ասում եմ` սրանք թշնամի են, թշնամու ներկայացուցիչն են և բնականաբար, թշնամու ներկայացուցիչն այլ կերպ չէր կարող վարվել»,- այսօր Դավթաշենում կայացած հավաքի ժամանակ ասաց Բագրատ Սրբազանը: *** |
|
Դավթաշենում կայացած հավաքի ժամանակ Բագրատ Սրբազանը դիմեց քաղաքական գործիչներին. «Անդադար հիշեցնելու եմ քաղաքական դաշտում գտնվող մեր սիրելի գործիչներին՝ պատկերացրեք` ինչի մասին է մեր կյանքը և պատկերացրեք այս պայքարի բովանդակությունը։ |
***
|
Կառավարություն կոչվածն անհաղորդ է երկրի խնդիրներին՝ հանցավորության աճը, մարդկանց սոցիալական վիճակը, այլ բազմաթիվ խնդիրներ նրանց չեն հետաքրքրում: Այս մասին Դավթաշենում բնակիչների հետ հանդիպման ժամանակնշեց Բագրատ Սրբազանը: «Պատրանքներ ստեղծելով, սուտ պատկերներ ներկայացնելով, այստեղ-այնտեղ գնալով, մարդկանց բերելով հանդիպման՝ ցույց են տալիս՝ ինչքան «երջանիկ են» այս մարդիկ։ Իրականում մարդկանց կյանքով հետաքրքրված չեն․ իրենց հեծանիվով են հետաքրքրված, արձակուրդով»,- ասաց Սրբազանը։ |
