Հասարակական գործիչ Կարեն Հեքիմյանի ֆեյսբուքյան գրառումը. «Համացանցում տեսանյութ է տարածվում, որտեղ պատկերված է, թե ինչպես են Հայաստանում բնակվող հնդիկները Երևանի Հյուսիսային պողոտայում Ամանոր տոնում: Անկեղծ` տհաճ է, սակայն ...
Օտարերկրացիներն աշխատելու են եկել Հայաստան: Դա նշանակում է, որ Հայաստանում աշխատուժի կարիք կա: Ինչո՞ւ: Որովհետև, ՀՀ քաղաքացիներն, իրենց հերթին, լրացնում են այլ պետություններում աշխատուժի պակասը:
Օտարերկրացիները Հայաստան են ներմուծում նաև իրենց սովորույթներն ու մշակույթը: Այդպիսին է կյանքը: Եվ, եթե օտարերկրացիների պահելաձևը հակասում է հայաստանյան օրենքներին, ապա իրավապահ մարմինները պետք է կանխեն ապօրինությունները:
Խնդիրն ունի մեկ այլ կողմ: Քչերն են նկատում (չեն ցանկանում նկատել), որ Հայաստանում կան օտարերկրացիներ, որոնք, ի տարբերություն, ենթադրենք` հնդիկների, Հայաստան են եկել ոչ թե աշխատելու, այլ երկիրը զինագրավելու նպատակով: Վերջիններիս զինված խմբավորումները տեղակայված են Գյումրիում, Երևանում և մի շարք այլ բնակավայրերում: Հիշեցնեմ, որ նույնօրինակ` «մինչև ատամները» զինված խմբավորում կար նաև Արցախում:
Կասեք, որ 102-րդ ռազմաբազան օրինական հիմունքներով է Հայաստանում տեղակայված, կպատասխանեմ` Հնդկաստանի քաղաքացիները ևս օրինական հիմունքներով են Հայաստանում գտնվում:
Այնպես, ինչպես բոլոր երկրներում, օտարերկրացիներ Հայաստանում միշտ կլինեն: Խնդիրն այն է, թե օտարերկրացիներից ով և ինչով է զբաղվում Հայաստանում, հետևաբար` ովքեր են ավելի վտանգավոր` Հյուսիսային պողոտայում պարող հնդիկնե՞րը, թե՞ մարդասպան պերմյակովները»։