Կարծում եմ՝ մեր «օրինապաշտ» և «քաղաքի նվիրյալ» քաղաքապետը` Սամվել Բալասանյանը, տեղյակ է, որ Ազգային ժողովում ընդունվել է «Իրավունք հաստատող, փաստաթղթերը չպահպանված բնակելի տների կարգավիճակի մասին» ՀՀ օրենք: Սույն օրենքի հիմքով Գյումրու քաղաքացիները դիմում են ներկայացրել քաղաքապետարան` պահանջելով ճանաչել իրենց սեփականության իրավունքը: Սակայն, շրջանցելով վերոնշյալ օրենքը, քաղաքապետարանի աշխատակիցները այն անձանց, ովքեր նման պահանջով դիմում են ներկայացրել, հրավիրել են քաղաքապետարան և որպես ապօրինի կառուցապատողների ենթարկել են վարչական պատասխանատվության` պահանջելով նրանցից մուծել երկու հարյուր հազարից չորս հարյուր հազար ՀՀ դրամ:
Իսկ օրենսդիր մարմինը տեղյակ չէ՞, որ նման ճանապարհներով կրկին թալանում են առանց այն էլ հոգեբանորեն ճնշված և աղքատության մեջ հայտնված խեղճ ժողովրդիս: Վերջ տվեք ձեր թալանին և մի քիչ մտածեք գյումրեցիների մասին, պարոն Բալասանյան, եթե չեմ սխալվում, օրենքն ընդունելիս դուք օրենսդիր էիք...
Ֆեյսբուք
