Գյումրիի Մարիամ և  Երանուհի Ասլամազյան քույրերի պատկերասրահում բացվել է  նկարչուհի, իրավաբան Մարինե Մանուկյանի «Լռության ձայնը» խորագրով անհատական ցուցահանդեսը։

Նկարչուհու թվով երրորդ անհատական ցուցահանդեսի խորագիրը խորհրդանշական բնույթի է։

Գյումրիում ծնված Մարինե Մանուկյանի խոսքով մի քանի տարի առաջ է դեռ որոշել ծննդավայրում ցուցահանդես անել, ինչից հետո առանց դադարի մեկը մյուսի հետևից ծնվել են նկարները։ Գեղանկարները լռության ձայնը լսելի դարձնելու և այն դրական զգացողություններով խլացնելու միտում ունի։

Գեղանկարները կցուցադրվեն մինչև հոկտեմբերի 7-ը։