Գրիգոր Մելիքսեթյանը` Հայաստանի լավագույն դարպասապահ
«Փյունիկ» ՖԱ-ի դարպասապահ՝ Գրիգոր Մելիքսեթյանի համար 2008/2009թթ. մրցաշրջանը բացառիկ էր մրցանակների առումով։
Այդ մրցաշրջանում Մելիքսեթյանը դարձավ Հայաստանի չեմպիոն,գավաթակիր,սուպերգավաթակիր և այդ տարի ճանաչվեց Հայաստանի ամենահուսալի դարպասապահը։
Մելիքսեթյանը Հայաստանի Պրեմիեր լիգայի 29 խաղից բաց թողեց ընդհամենը 19 գնդակ և 15 անգամ դարպասը պահեց անառիկ,ինչը լավագույն ցուցանիշն էր այդ մրցաշրջանում։
Մելիքսեթյանը նաև 600 րոպե շարունակ գոլ բաց չթողեց,ինչը նպաստեց թիմի հաղթանակներին և կարևոր դեր ունեցավ «Փյունիկ»-ի չեմպիոնության գործում։
Այդ տարի Գրիգոր Մելիքսեթյանը դարձավ նաև Հայաստանի սուպերգավաթակիր,եզրափակչի խաղում հաղթելով «Բանանց» ՖԱ-ին և որպես թիմի ավագ և թիմի առաջատար իր գլխավերևում պահեց Հայաստանի սուպերգավաթը։
Այս բոլոր հաջողությունները արդարացիորեն Մելիքսեթյանին դարձրեցին Հայաստանի լավագույն դարպասապահը։
Հեղինակ՝ Անի Հարությունյան
