Լրագրող Դավիթ Սարգսյանի ֆեյսբուքյան գրառումը. «Մհերին ճանաչել եմ հեռավոր 2003-ից, երբ «Հայրենիք» հեռուստաալիքով «Մանկական լուրեր» էինք վարում:
Եղավ ու մնաց ազգային ու սկզբունքային մարդ, իսկական ու կարգին երևանցի տղա:
Անհավատալի է, ընկեր ջան...»:

Հիշեցնենք՝ այսօր ԱԺ պատգամավոր Մհեր Սահակյանը մահացել է ավտովթարից:

***

ԴՕԿ Կուսակցությունը խորին ցավակցություն է հայտնել Մհեր Սահակյանի վախճանի կապակցությամբ․ «Խորհին ցավակցություն և զորակցություն նրա ընտանիքին ու հարազատներին»։

***

***

ԱԺ «Պատիվ ունեմ» խմբակցության քարտուղար Տիգրան Աբրահամյանը ցավակցել է «Հայաստան» խմբակցության պատգամավոր Մհեր Սահակյանի ողբերգական մահվան դեպքի առթիվ։

«Շատ մեծ ցավով տեղեկացա մեր լավ գործընկեր, պայքարի ընկեր Մհեր Սահակյանի ողբերգական մահվան մասին:
Անկեղծ ցավակցություններս Մհեր Սահակյանի ընտանիքին, հարազատներին, «Հայաստան խմբակցության» և ՀՅԴ մեր գործընկերներին:
Լավ մարդ, լավ հայ, պայքարող տեսակ:
Լույսերի մեջ մնաս, Մհեր ջան»,– գրել է նա:

***

«ՀայաՔվե»-ի ֆեյսբուքյան գրառումը. ««ՀայաՔվե» ազգային քաղաքացիական միավորումը խորապես վշտացած է ՀՀ ԱԺ պատգամավոր, «Հայաստան» դաշինքի և ՀՅԴ անդամ Մհեր Սահակյանի վաղաժամ և եղերական մահով:
Մհերն իր հանրային և պատգամավորական գործունեության ամբողջ ընթացքում իրեն դրսևորել է` որպես ազգային նկարագրի տեր, նվիրյալ և սկզբունքային հայորդի:
«ՀայաՔվեն» վշտակցում է Մհեր Սահակյանի ընտանիքի անդամներին, նրա մերձավորներին և գործընկերներին:
Հիշատակն արդարոց օրհնությամբ եղիցի...»:

***

Մհեր Սահակյանը ծնվել է 1988թ. հունվարի 30-ին, Երևանում:

2008թ. ավարտել է Երևանի պետական համալսարանի իրավագիտության ֆակուլտետը: 2016 թվականից ՀՅԴ անդամ է եղել: 2021-2022թթ-ին եղել է ԱԺ պատգամավորի օգնական՝ հասարակական հիմունքներով:

2022թ. դեկտեմբերի 10-ին ԱԺ պատգամավոր էր ընտրվել «Հայաստան» կուսակցությունների դաշինքի համապետական ընտրական ցուցակով:

Ամուսնացած էր, ուներ 4 զավակ:

Ավելի վաղ, ներկայացրել էինք Մհեր Սահակյանի շնորհավորական ուղերձն՝ ամանորյա տոների առիթով։