Թարմացված․ Կատակերգու Եվգենի Պետրոսյանն իր Instagram-ում իր հոսպիտալացման մասին լուրերն անվանել է ասեկոսեներ։ Արտիստն իր աշխատասենյակից տեսանյութ է հրապարակել, որում շնորհավորում է կանանց մարտի 8-ի կապակցությամբ։ Նրա հետևորդներից մեկը զարմացած հարցրել է՝ միթե նա վերակենդանացման բաժանմունքում չէ։

«112» տելեգրամյան ալիքը նախօրեին՝ մարտի 8-ին, հայտնել էր, որ Պետրոսյանը տեղափոխվել է վերակենդանացման բաժանմունք։ Ալիքի աղբյուրի փոխանցմամբ՝ արտիստի մոտ հանկարծակի սկսվել է ստամոքսաղիքային արյունահոսություն։ 

Պետրոսյանի կինը՝ Տատյանա Բրուխունովան, կտրուկ է արձագանքել՝ լսելով NEWS.ru-ի թղթակցի հարցը ամուսնու հավանական հոսպիտալացման մասին։ Նա չի պատասխանել և անջատել է հեռախոսը: Ավելի ուշ Բրուխունովան հայտնել է, որ Պետրոսյանը գտնվում է հիվանդանոցում, սակայն նրա վիճակը ծանր չէ։ Նա նշել է, որ նրա հետ ամեն ինչ կարգին է։  

***

Եվգենի Պետրոսյանը ստամոքսաղիքային արյունահոսությամբ տեղափոխվել է մոսկովյան հիվանդանոց և ծանր վիճակում է, հայտնում է РЕН ТВ-ն՝ հղում անելով սեփական աղբյուրին

79-ամյա արտիստն այժմ վերակենդանացման բաժանմունքում է, բժիշկները փորձում են կայունացնել նրա վիճակը՝ հիվանդին վիրահատելու համար