Երևանի ավագանու անդամ Քրիստինա Վարդանյանը տեսանյութ է տարածել իր էջում՝ կից գրառմամբ․ «Էս ի՞նչ եք անում… Երևանի կենտրոնը ջերմային կղզի է դառնալու։ Ամբողջ աղետը դեռ կզգաք… Մի վնասվածք անգամ չկա բույսի կտրվածքին…Երկրում, կարծես, մեծ շուքով էկոպարեկային ծառայություն ստեղծվեց։ Հա, մոռացել էի, Երևանի ավագանու ՔՊ անդամն է ղեկավարում։ Ամբողջ Հայաստանը վերահսկող էկոպարեկային ծառայության պետ և ավագանու անդամ…»:

***

Ավելի ուշ, Երևանի ավագանու անդամ Քրիստինա Վարդանյանը լուսանկարներ է տարածել իր էջում՝ կից գրառմամբ․ «Երևանն առանց ծառ ծրագիրը բոլոր կետերով փայլուն կատարվում է։ Սա կոչվում է բարեկարգում՝ ծառերի արմատները ձևում ես, կտրում, բետոնում, հետո չորանում է, ուզածդ տնկարանից «գեղազարդով» փոխում ես։ Նալբանդյան փողոցն է»։