Ես չեմ սիրում անբարո կապեր ու դավաճանություններ, դրանք իմը չեն...Հովհաննես Բաբախանյան
Asekose.am-ի Փոփ Արտ հաղորդման ժամանակ վաստակավոր արտիստ Հովհաննես Բաբախանյանը խոսել է ԱՄՆ մեկնելու պատճառների, այնտեղ բազմաթիվ դերեր կերտելու, հոլիվուդյան դերասանների հետ նկարահանվելու մասին՝ ինչպիսիք են` Էրիկ Ռոբերթսը, Մարտին Քովին, Սոֆիա Միլոսը և այլն:
Դերասանը իր ընտանիքի մասին առանձակի հուզմունքով է խոսել ու նշել, որ ընտանիքն իր թույլ կողմն է:
Նա խոստովանել է եթերում, որ խելագարվում է իր կնոջ համար, առանց նրա չպատկերացնելով իր կյանքը: Հովհաննեսը նշում է նաև, որ իր կինը` Մարին, աշխարհի ամենագեղեցիկ կինն է:
Նա պատմում է, որ երկար տարիներ Մարիի հետ աշխատել են նույն թատրոնում ու միայն տարիներ անց է Հովհաննեսը սեր խոստովանել ու ամուսնության առաջարկ արել նրան:
Մարին ու Հովհաննեսն արդեն տատիկ ու պապիկ են` ծնվել է նրանց թոռնուհին` Օլիվիան, ով նոր շունչ է հաղորդել իրենց ընտանիքին:
Հովհաննեսն այս տարի նշում է 55 ամյակը ու տեղի է ունենալու նրա 55-րդ մենահամերգը:
Դիտեք հատվածներ և , եթե բաց եք թողել հաղորդումը, առաջարկում ենք անպայման հետևել ամբողջական զրույցին։
