Օրեր առաջ Փաշինյանի հետ տեղի ունեցած հանդիպումից մանրամասներ է ներկայացրել Կիրանց համայնքի ղեկավար Կամո Շահինյանը. «Որ մենք գնացել էինք կառավարություն, էնտեղից որ ես մի քիչ ուշ եմ դուրս եկել, ինձ ասել են, խոստացել են՝ երկու օրից մեզ մի հստակ տվյալ կասենք:

Կառավարությունից ինձ ասել են՝ գնա, ժողովրդին ասա՝ 60 տոկոսով վստահեցնում ենք, որ բնակարան չի ընկնելու սահմանազատման մեջ։ Երկու կողմից սահմանազատումը կլինի, կգա 12,13, 14 «տոչկեքը», որոնք որ բնակարաններին մոտ են, դա էլ պայմանավորվածությամբ, ժողովրդի մասնակցությամբ կճշտեն՝ ոնց անեն, որ ժողովրդին չխանգարի։
Ինձ կառավարությունից այդքան բանն են ասել, մնացածը ձեր բոլորի գործն է՝ ոնց եք մտածում, ինչ եք անում, ինչ պետք է անեք․ իրավունքները ձերն են, ես էլ` ձեզ հետ»:

***

Որպես անվտանգության երաշխիք` վարչապետ Փաշինյանն ասել է, որ եթե պետք լինի, ամեն մետրի վրա մեկը կանգնելու է: Այս մասին լրագրողների հետ զրույցում նշեց Կիրանցի վարչական ղեկավար Կամո Շահինյանը: Նա կրկին հիշեցրեց, որ Կառավարությունն իրեն ընդամենը 60% երաշխիք է տվել, որ բնակելի տներ Ադրբեջանին չի անցնի:
Ներկա կիրանցեցիներին այս լուրը ավելի բորբոքեց, նրանք պահանջում են իրենց ու իրենց նահատակ ընկերների արյունով ազատագրած հայրենիքը չնվիրել թշնամուն:

***

Լրագրողը հարց ուղղեց Կիրանցի վարչական ղեկավար Կամո Շահինյանին. «Վարչապետին հարց տվե՞լ եք` ՀՀ-ի համար տարբերություն կա՞` թուրքը կլինի այժմյան հեռավորության վրա պատերազմի ժամանակ, թե՞ գան, էս կամրջին, ամեն ինչին տիրանան, և այդ ժամանակ պատերազմ լինի: Մեզ համար տարբերություն կա՞` 20 մետր ենք թուրքից հեռու, թե՞ 200 մետր»:

Վարչական ղեկավարը պատասխանեց. «Ասել եմ, պատասխանը եղել ա` մեզ համար նույնն ա` Օդնդաղի գլխից կրակեն, թե մոտիկից կրակեն, նույնն ա: Փաշինյանը ոչ մի երաշխիք չի տվել, որ թշնամին չի կրակի»: