-Եթե խոսքը գնար մեկ ուրիշի մասին, ապա կասեի, թե ավելի լավ կլինի մտածի՝ նոր խոսի: Բայց արդեն երկար տարիներ սոցիոլոգիան հետևողականորեն պախարակող ու ամոթը կորցրած Ադիբեկյանի դեպքում դա հաստատ չի օգնի: Իսկ ընդհանուր առմամբ կարծում եմ, որ Ադիբեկյանը պարզապես իրեն աճուրդի է հանել՝ հաջորդ ընտրական ցիկլին ընդառաջ,- ասել է Ռոբերտ Քոչարյանի գրասենյակի ղեկավար Վիկտոր Սողոմոնյանը՝ արձագանքելով սոցիոլոգ Ահարոն Ադիբեկյանի այն հայտարարությանը, թե Ռոբերտ Քոչարյանը մեծ քաղաքականություն վերադառնալու համար «պետք է թակի ՀՀԿ-ի դուռը և թույլտվություն վերցնի Կարեն Կարապետյանից ու ՍԱՍ-ի Արտակից»:
Զարմանալի մոռացկոտություն է հանդես բերում երկրորդ նախագահի գրասենյակի կառավարիչ Վիկտորը՝ մոռանալով, որ իր շեֆի իշխանության տարիներին նույն Ադիբեկյանին և նրա նմաններին օգտագործում էին առավել առանձնակի դաժանությամբ՝ հայ հեռուստալսարանի գլուխները արդուկելուն զուգահեռ սոցիոլոգիան դարձնելով քաղաքական դիակների վերակենդանացման արալեզների դարբնոցի: Ժամանակին հենց Քոչարյանը ստեղծեց նոմենկլատուրային սոցիոլոգների անհատ ձեռնարկատիրական ինստիտուտը, որտեղ գռոշների դիմաց պատվիրում էին ընտրությունների կեղծման ՞ճանապարհային քարտեզը՞: Եվ նույն Քոչարյանի շուրջ ժամանակին վխտում էին ադիբեկյանակերպ բազմաթիվ մակաբույծ սոցիոլոգներ, որոնք մի պարկ կարտոֆիլի գնով պատրաստ էին նկարել ցանկացած ընտրական կանխատեսում: Եվ այժմ, երբ այդ նույն, իրենց ստեղծած զենքը ուղղել են իրենց դեմ՝ մարդիկ հիշում են, որ Ադիբեկյանը պարզապես իրեն աճուրդի է հանել՝ հաջորդ ընտրական ցիկլին ընդառաջ: Թե՞ չեք համակերպվում այն մտքի հետ, որ ձեր նախկին հաճախորդները այժմ էլ սկսել են ձեր դեմ պատվեր կատարել:
Երևի ցանկանում են Քոչարյանին հիշեցնել, որ քաղաքականություն վերադառնալու դեպքում իրեն սպասվում է շարքային ընդդիմադիրի կարգավիճակ, ինչպես ժամանակին ինքը սպառնաց իր նախորդին...
Ֆեյսբուք
