«Լիակատար կիսում եմ գործընկերոջս գնահատականը: Իրականում կառավարման ճգնաժամ ունենք, քանի որ մոդելն է սխալ ընտրված: Համակարգային փոփոխություններն ուղղակի պարտադիր են դառնում, բայց դրանց հասնելու համար մոդելը պետք է փոխվի: Այստեղ է, որ մեր երկարատև շահերը պահանջում են նոր մոտեցումներ, որոնց հնարավոր էր հասնել՝ շարունակելով բարեփոխումները Եվրոպական ասոցիացման համաձայնագիրը կնքելով: Ինչու՞, որովհետև վստահ եմ, որ ԵՏՄ անդամակցության պայմանագիրը չի բխում մեր երկարատև շահերից։ Այն մեր կամքին հակառակ մեր վզին է փաթաթում մի միություն, որից մենք գրեթե ոչինչ չունենք վերցնելու ո՛չ մեր պետական ինստուտների զարգացման, ո՛չ մեր բիզնեսի որակական չափանիշների փոփոխության, ո՛չ հասարակական հարաբերությունների զարգացման համար: Միություն, ուր մեզ թշնամի համարողների շահերն ավելի են հարգվում ու գերադասվում։ Միություն, որտեղից մեր երեխաների կյանքն ամեն օր վտանգող երկրին զենք են մատակարարվում: Արդյոք սա՞ է մեր ընտրությունը... Իհարկե ոչ... Նման միության մեջ լինելը հնարավոր է բացառապես հարկադրված...»,- գրել է ԱԺ պատգամավոր Թևան Պողոսյանն` արձագանքելով անկախ պատգամավոր Էդմոն Մարուքյանի ելույթին: