ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը՝ կից տեսանյութով․ «Ոչ ոք դեմ չէ սև շուկայի և ապօրինի որսի դեմ տարվող պայքարին, Սևանում սիգի պահպանությանն ուղղված միջոցառումներին, նաև՝ խիստ վարչարարությանը, բայց առաջարկվող փոփոխությունները չպետք է հանգեցնեն նրան, որ մի քանի անգամ բարձրանա սիգի արժեքը։
Սա թե՛ տնտեսվարողների, թե՛ սպառողների վրա բացասական է անդրադառնալու։
ՏՏԳՇՄՊ հարցերի մշտական հանձնաժողովի նիստում քննարկվում էր նախագիծ, որով առաջարկվում էր ավելացնել կենդանական աշխարհի օբյեկտ հանդիսացող կենսապաշարների օգտագործման համար բնօգտագործման վճարի դրույքաչափերը։
Սիգ և իշխան ձկնատեսակների պաշարների մասին իմ հարցին չտրվեց պատասխան։ Ստացվում է, որ համապատասխան գերատեսչությունում հստակ թվերի չեն տիրապետում»։