Քննարկվում է քաղաքացիական նախաձեռնության կարգով ներկայացված «ԵՄ-ին ՀՀ-ի անդամակցելու գործընթացի մեկնարկի մասին» օրենքի նախագիծն ընդունելու մասին հարցը: «Չգիտեմ՝ իմ թոռների երեխեքը կտեսնե՞ն ԵՄ անդամակցության թեկնածության հարցը, բայց մի բան հաստատ է՝ էս նախաձեռնությունը պատմության մեջ մնալու է նրանով, որ նախաձեռնող խումբ է ստեղծվել, և ցանկություն է հայտնել անդամակցել մի կազմակերպության, որը գոյություն չունի: Սեպտեմբերի 5-ին դիմում եք ներկայացրել ԿԸՀ, օրեր հետո նամակ եք գրել, որ նախագծում սպրդել է վրիպակ ու Եվրոպայի միության փոխարեն առաջարկել եք փոխել՝ Եվրոպական միություն: Զավեշտն այն է, որ ձեր բլանկի վրա մնացել է նույնը՝ Եվրոպայի միությանը ՀՀ անդամակցության»,- դիմելով նախաձեռնող խմբի լիազոր ներկայացուցիչ Արտակ Զեյլանյանին՝ ասաց ընդդիմադիր պատգամավոր Գեղամ Մանուկյանը: Զեյնալյանն ասաց. «Ձևաթուղթը՝ Եվրոպական միությանը անդամակցելու գործընթացի մեկնարկի մասին է, ձեր ձեռքի տակ հնացած տվյալներ են: Վրիպակը սպրդելուց հետո, բոլոր փաստաթղթերում տեղ է գտել ճշգրիտ անվանումը»: