Ձերբակալվել է «օրենքով գող» Օշականցի Գևորիկը՝ Գևորգ Մելիքյանը։

Քրեական հեղինակությունը, տեղեկանալով, որ ՀՀ քաղաքացի Հ.Մ.-ն ՌԴ-ում ծավալած գործունեության ընթացքում մեծ գումարներ է վաստակել, նրանից պահանջել է 250 հզր ԱՄՆ դոլար գումարի չափով անօրինական օգուտ, հայտնում են ՔԿ–ից։ 

Հ.Մ.-ի քույրը դիմել է քրեական հեղինակություն Ս.Հ.-ին, ով ստանձնել է առաջացած գումարային խնդրի լուծումը:
Արդյունքում, Ս.Հ.-ի և Գ.Մ.-ի միջև պայմանավորվածություն է ձեռք բերվել պահանջված գումարի փոխարեն առավել նվազ՝ 66 հզր ԱՄՆ դոլարին համարժեք 25 մլն 522 հզր 200 ՀՀ դրամ վճարելու շուրջ, որը տուժողի կողմից փոխանցվել է Գ.Մ.-ին: 

Գ.Մ.-ն (Գևորգ Մելիքյան) ձերբակալվել է, իսկ Ս.Հ.-ի վերաբերյալ կայացվել է ձերբակալման որոշում՝ դատարան ներկայացնելու համար:

Հիշեցնենք, որ Գևորգ Մելիքյանին ոստիկանությունը ձերբակալել էր նաև այս տարվա ապրիլին․ մանրամասներն՝ այս հղումով։