Ապրիլի 17-ին ՆԳՆ տեղեկություն է ստացվել, որ ժամը 09։45-ից 10։00-ն ընկած ժամանակահատվածում մարզի ավագ դպրոցներից մեկի բակում 11-րդ դասարանցիների միջև տեղի է ունեցել ծեծկռտուք։
Ինչպես հայտնում է Գագիկ Շամշյանը, պարզվել է, որ նույն օրը ժամը 09։45-ի սահմաններում նախ դպրոցի բակում, այնուհետև մյուս հատվածում նույն դպրոցի 11-րդ դասարանի աշակերտներ, Կոտայքի մարզի բնակիչներ 16-ամյա Ա․ Հ-ն և 16-ամյա Կ․ Հ-ն անհիմն պատճառաբանությամբ վիճաբանել են 17-ամյա Տ․ Մ-ի հետ, որի ժամանակ Ա. և Կ. Հ-երը հարվածներ են հասցրել Տ.Մ-ի մարմնի տարբեր հատվածներին՝ պատճառելով ֆիզիկական ցավ։ Շամշյանի տեղեկություններով՝ Տ.Մ-ն, Ա. և Կ. Հ-երը ծնողների հետ միասին ներկայացվել են ոստիկանության Կոտայքի բաժին։
Դեպքի փաստով ոստիկանության Կոտայքի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Կոտայքի մարզային քննչական վարչության Աբովյանի քննչական բաժին։