Երևանի ավագանու անդամ Գրիգոր Երիցյանի ֆեյսբուքյան գրառումը՝ կից տեսանյութով․ «Սա Երևան քաղաքի շրջակա միջավայրի պահպանության և կանաչապատման թիվ 1 պատասխանատուն է:

Գիտնականների հետ հանդիպման ժամանակ երևանցիներին ասում է, որ եթե ամռանը հանկարծ որոշեք տնից դուրս գալ, ապա կամ հովանոց վերցրեք, կամ էլ Թումանյան փողոցը շրջանցեք. առաջիկա տարիներին ստվեր չի լինելու:
Ձմռանը ձյուն կերեք, աշուն-գարուն անձրև խմեք, ամռանն էլ տունը վեր ընգեք: Սա է քաղաքապետարանի առաջարկած լուծումը:
Գիտական համայնքը այս հանդիպումից շոկի մեջ է. ինչպես կարելի է միլիոնանոց քաղաքի բնակիչների առողջությունը վստահել մարտնչող դիլետանտությանը»։

Հիշեցնենք, որ «Հրապարակ» թերթն էլ այսօև գրել էր. «Ապրիլի 3-ին Տիգրան Ավինյանը խոստացավ դադարեցնել ծառահատումները եւ փորձագետների հանձնաժողով ստեղծել, որը կուսումնասիրի թեղիները կտրելու հարցը։ Թեեւ արդեն 400 ծառ է հատվել, նոր են փորձաքննություն հայտարարում:

Ծառ ու ծաղկի թշնամի այս իշխանությունները, որոնց գործունեության վեցամյա ուղին ավերմունքի, քանդուքարափի, պետական ինստիտուտներն ու արժեքները ոչնչացնելու ոդիսական է, որոշել են ամռան տապին երեւանցիներին թողնել առանց ստվերի եւ թթվածնի:

Իսկ «Կանաչապատում եւ շրջակա միջավայրի պահպանություն» ՀՈԱԿ տնօրեն Արմեն Բեգոյանը խորհուրդ է տալիս երեւանցիներին՝ արեւից պաշտպանվելու համար մի քանի տարի «զոնտիկներով յոլա գնալ»։