Լրագրող, խմբագիր Սևակ Հակոբյանը ֆեյսբուքյան էջում տեսանյութ է հրապարակել, կից գրառմամբ․ ««Բարեփոխված» պարեկները քաշելով հանեցին մեքենայից, փռեցին աֆալտին ու տարան․․․

Դեպքը տեղի է ունեցել օրերս, երբ հերթական մայրուղին անկազմակերպ ու երկարատև փակել էին Նիկոլի կամ պաշտոնական ինչ-որ պատվիրակության անցնելու համար, քաղաքացիների վրա էլ հարձակվում էին էս մեր «բարեփոխված» պարեկները, մի բան էլ արգելում նկարել։
Իսկ Նիկոլ Փաշինյանն այսօր «ավետեց», որ «Երևանում պարեկները ծառայություն կիրականացնեն տեխնիկապես հագեցած, նոր էլեկտրոմոբիլներով»:

***

Համացանցում տեսանյութ է տարածվել, որում պարեկները մեքենայից դուրս են բերում վարորդին և բերման ենթարկում։ ՀՀ ՆԳ նախարարությունից 1lurer-ի հետ զրույցում հայտնել են․

«Սոցկայքերում պարեկների մասնակցությամբ տարածված տեսանյութի առնչությամբ հայտնում ենք, որ պետական արարողակարգային միջոցառումների շրջանակում, երբ ոստիկանության ծառայողները ապահովել են մեքենաների շարասյան անցումը, վարորդներից մեկը հայհոյանք է հնչեցրել:

Նա, բերման է ենթարկվել Համայնքային ոստիկանության Կենտրոնական բաժին: Պարզաբանումներից հետո ազատ է արձակվել»։