Ռեժիսոր Ելենա Արշակյանը ֆեյսբուքյան իր էջում գրում է․ «Այս հրապարակումը գողության մասին է․․․ Շնորհակալ ու զգացված եմ ֆիլմիս հանդեպ ունեցած հետաքրքրության ու նաև կարծիքների համար, բայց ցավում եմ,որ ֆիլմը այս տարբերակով եք դիտելու: Շատ ավելի ազնիվ կլիներ, որ դիտեիք Կինոդարան հարթակում, որովհետև հավատարիմ մնալով խոստմանս ու ֆիլմի քաղաքականությանը, «Նունիկ» ֆիլմի շահույթի իմ մասնաբաժինը օգտագործվելու է բացառապես բարեգործական նպատակներով, ավելի կոնկրետ` ուղղվելու է աուտիզմ ունեցող երեխաների հիմնադրամին: Սա միայն ֆիլմը տեսնելու մասին չի: Հուսով եմ ճիշտ կհասկանաք ու կդադարեցնեք ֆիլմի `այս տարբերակով տարածումը»: