Այրվում էր Մալաթիա տոնավաճառը

«Խանութների արանքից ծուխ նկատեցինք, երկու րոպեում էդ ծուխն այնքան թեժացավ, որ կրակ բռնկվեց ու խանութով տարածվեց: Միանգամից կրակը լցվեց խանութի մեջ, խանութի տերը նույնիսկ գլուխը վառել ա, իսկ խանութից ոչինչ չկարողացան փրկել»,- «Նյուզ»-ի եթերում ասել է այսօր Մալաթիայ տոնավաճառի կոշիկի պահեստում բռնկված հրդեհի ականատեսը:

***

Այսօր՝ հոկտեմբերի 23-ին, ժամը 14:01-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Մալաթիա տոնավաճառի կոշիկի պահեստում հրդեհ է բռնկվել։

Ժամը 14։54-ին հայտարարվել է հրդեհի բարդության «Թիվ 3» կանչ։ Դեպքի վայր են մեկնել հրշեջ-փրկարարական ջոկատներ։

Ըստ նախնական տվյալների հրդեհը բռնկվել է մոտ 1000 քմ պահեստային տարածքում։

Հանգամանքները պարզվում են։ Հրդեհաշիջման աշխատանքները շարունակվում են։