Ավինյան Տիկո, էդ ու՞մ ես քսի տվել իմ տան վրա․․․Փոստանջյան
Այսօր` 2025 թվականի ապրիլի 2-ին, հերթական` թվով երկրորդ ահաբեկչական հարձակումն է տեղի ունեցել Երևան քաղաքի Արաբկիր վարչական շրջանի Նաիրի Զարյան փողոց 11-13 հասցեների հարակից` Վրացական 2 հասցեում գտնվող տան վրա։ Այս անգամ չարագործները ներխուժել են անմիջապես տան տարածք, կոտրել ապակիները, միջսենյակային դուռը, կահույքը և այլ ավերածություններ կատարել։
Կրկին անգամ հիշեցնենք, որ տունը Երևան քաղաքի ավագանու «Մայր Հայաստան»
խմբակցության անդամ, փաստաբան, «Երկիր Ծիրանի»
կուսակցության նախագահ Զարուհի Փոստանջյանի հայրական տունն է:
Վերոնշյալ տարածքում և փողոցում առկա են տեսախցիկներ, մինչդեռ ոստիկանությունը ոչ միայն չի բացահայտել ընդամենը մի քանի օր առաջ տեղի ունեցած ահաբեկչությունը, այլև իր անտարբերության և անգործության հետևանքով հիմնավոր կասկածներ է առաջացնում առ այն, որ հենց ոստիկանությունն էլ կոծկում է հանցագործությունը կատարողներին և կազմակերպիչներին։
Ըստ էության, արդեն կարող ենք արձանագրել, որ Երևանում գործում է մի ահաբեկչական բանդա, որը թափանցում է քաղաքացիների տները, կատարում ավերածություններ և հանգիստ հեռանում` վստահ լինելով իր անպատժելիության մեջ։
Երևան քաղաքը բետոնապատող, ճարտարապետական և մշակութային որոշակի արժեքներ պարունակող շինություններին անհաղորդ, անհայրենիք, բարոյազուրկ և արժեքապիղծ իշխանական խմբավորումն անցել է ուղղակի տեռորիստական գործողությունների։
Թուրքերի և ադրբեջանցիների շահերը սպասարկող այս իշխանության բոլոր հանցանքները վաղ թե ուշ ամբողջությամբ բացահայտվելու և պատժվելու են` ներառյալ նաև այս մի քանի օրերի ընթացքում երկու անգամ իրագործած ահաբեկչական հարձակումները։
«Երկիր Ծիրանի» կուսակցություն
02 ապրիլի, 2025թ.
