ՔՊ-ական պատգամավոր Հովիկ Աղազարյանը ճեպազրույցի ժամանակ նշեց, որ երեկ հանդիպել է ԱԺ նախագահ Ալեն Սիմոնյանի հետ: Հարցին, թե «Ալեն Սիմոնյանը ձեր նկատմամբ ճնշումներ չի՞ բանեցրել, սպառնալիքներ չի՞ հնչեցրել», Աղազարյանը պատասխանեց. «Ես կուզեի, որ Ալեն Սիմոնյանն ինձ սպառնար, քան էն, որ արեց իմ գլխին: Ավելի լավ էր, սպառնար, քան էն, որ ինքը իմ հետ խոսաց: Վիրավորական չէր, ո՞ւր է, թե վիրավորական լիներ, պատասխանը ստանար: Վատ բան չի ասել ինձ, ուղղակի ճնշել ա՝ ուրիշ իմաստով»:

***

«Երեկ ժամը 14:45-ին հեռախոսազանգ եմ ստացել Մոսկվայից՝ իմ մանկության, դպրոցական, ուսանողական ընկերոջ կողմից, որ ինքը շատ կնեղանա ինձնից, եթե արձագանքեմ վարչապետի հրապարակավ խնդրանքին՝ առանց իրեն տեսնելու: Հիմա ես սպասում եմ իր գալուն, որպեսզի լսեմ իրեն և կայացնեմ իմ որոշումը: Երեկոյան կասի, թե երբ է գալու»,- ճեպազրույցի ժամանակ ասաց ՔՊ-ական պատգամավոր Հովիկ Աղազարյանը՝ հավելելով. «Թիմից ճնշումներ կան, որ մանդատս դնեմ»:

***

Քաղաքագետ Գագիկ Համբարյանի գրառումը․ «Նիկոլի բախտը բերեց, որ Հովվվ ազզզի ընկերը Մոսկվայից է գալիս ու շուտ կմանդատազրկվի։ Եթե Պորտո Նովոյից կամ Մապուտոյից գար, Հովվվվվ ազզզզզը մի երկու շաբաթ դեռ պատգամավոր կմնար։
Բայց Հովոն հավեսով ստորացնում է Նիկոլին։ Հետաքրքիր է, թե ի՞նչ գին է վճարելու այս ամենի համար»։
Հիշեցնենք, որ Աղազարյանը հայտնել էր, թե մանդատը դնելու՝ վարչապետի հրապարակավ խնդրանքին չի արձագանքի՝ առանց Մոսկվայից եկող ընկերոջ հետ խորհրդակցելու։