Անհետ կորած զինծառայող Վարուժան Իսրայելյանի մայրը` տիկին Ասյան Վեհափառ Հայրապետին խնդրում է մաքրագործել Չարենցավանի եկեղեցին, որտեղ այսօր պատարագի է մասնակցել Նիկոլ Փաշինյանը: Նա տարակուսում է` այսօր պատարագ մատուցած տեր Համազասպը 5 տարի է` իր կողքին է, և ինքն էլ չի հասկանում, թե ինչպես են նրան ստիպել` զեղչել կաթողիկոսի անունը և աջակցել Նիկոլ Փաշինյանին: «Բոլորս էլ գիտենք, որ Կոտայքի թեմի առաջնորդը` Առաքել արքեպիսկոպոսը, որ այստեղ էր, ունի զավակներ` տղա և աղջիկ: Էդ նույն տղան` Քյարամյանն է կոծկել մեր երեխաների գործերը: 5 տարի է` չեմ կարողանում բացահայտել իմ երեխայի ճակատագիրը հենց նրա թեթև ձեռքով` ինքն է ծածկադմփոց արել Նիկոլի հետ միասին: Սա այն միակ տեղն էր, որտեղ ես ամեն կիրակի գալիս եմ, եթե պետք լինի, ամեն կիրակի կնկարեմ, կուղարկեմ, որ տեսնեք այն ճշմարիտ հավատացյալների դեմքերը, որ միշտ այստեղ են: Այսօր այստեղ հավաքվածների 50 տոկոսը դրսից բերված էին»,- «Նյուզ»-ի հետ զրույցում ասաց տիկին Ասյան:
Առավել մանրամասն` տեսանյութում:

Չարենցավանի եկեղեցու բակում, որտեղ այսօր կեղծ պատարագ էր կազմակերպել վարչապետ Նիկոլ Փաշինյանը, պատերազմում անհետ կորած զինծառայող Վարուժան Իսրայելյանի մայրը` տիկին Ասյան զայրացած արձանագրեց. «Այս եկեղեցու զանգը կախել է իմ տեգոր տղան, որ Նիկոլի թեթև ձեռքով 2020 թվականին Հադրութում զոհվել է: Այս պահին հուղարկավորված է Կապանում` Հարությունյան Զորիկ: Ես ամեն ինչ փաստացի եմ ասում: Դու ո՞նց ես եկել, այն եկեղեցին մտել, որի զանգն էդ անմեղ երեխեն էր կախել; Դու էսօր եկել ես` էդ է՞լ պղծես, ստոր, անիծվես դու, քո յոթը պորտով անիծվես, մեկ ա, որ եկեղեցին էլ գնաս, քո մեղքերն այնքան շատեն, չես մաքրվելու»:

Դիտեք նաև՝