«Փարաքարի համայնքապետի սպանության պատասխանատուներից մեկը, առնվազն չկանխարգելելու մասով, դուք եք հանդիսանում»,- բյուջետային քննարկման ժամանակ դիմելով ՆԳ նախարար Արփինե Սարգսյանին՝ ասաց ընդդիմադիր Աննա Գրիգորյանը: Նախարարն ասաց, որ առաջին պահից եղել է համայնքում, բաժնում, որպեսզի պրոցեսը կազմակերպվի այնպես, որպեսզի ունենան դեպքի ամբողջական բացահայտում: «Դեպքի մոտիվը տեղի է ունեցել փետրվարին: Ոստիկանության կողմից ամիսներով կայուն պահակակետեր են սահմանվել այն անձանց տների հատվածում, որոնք ռիսկային են գնահատվել: Մենք չենք կարող յուրաքանչյուր տան մոտ կանգնեցնել մի ոստիկան ու տարիներով պահպանել այնտեղ: Կա օպերատիվ աշխատանք, եղել են այլ պրոցեսներ»,- նշեց նախարարը:

***

Բյուջետային քննարկման ժամանակ, դիմելով ընդդիմադիր պատգամավորներին, մասնավորապես Գեղամ Մանուկյանին, ՆԳ նախարար Արփինե Սարգսյանն ասաց. «Օգտագործեցիք վիրավորական արտահայտություններ՝ ոստիկանության ծառայողների հասցեին: Երկրորդ կամ երրորդ քննարկումն է՝ ԱԺ-ում լսում եմ «ոհմակ» արտահայտությունը՝ ոստիկանության ծառայողների մասով ու չեմ զլանում, նորից հորդորում եմ՝ վիրավորական արտահայտություններ չհնչեցնել»: